San Achiv, Pa Gen Klasman

Lè a rive pou mete lòd ak respè nan istwa mizik ayisyen an. Klasman pou idantifye pi bon gitaris, pi bon kibodis, pi bon batè ak lòt gran talan yo pa kapab fèt sou opinyon oswa popilarite sèlman. Yo dwe baze sou prèv, temwayaj ak travay ki make epòk yo.

Se poutèt sa, Parc Mémorial MUDAIMH lanse yon apèl ijan pou ranfòse achiv ak memwa mizikal peyi a. San dokiman serye, san tras ki byen konsève, pa ka gen okenn klasman ki jis, okenn rekonesans ki gen valè, ni okenn patrimwàn ki ka dire.

Tan an rive pou atis yo, pwodiktè yo, ak tout aktè nan endistri mizikal la pran responsabilite yo pou konstwi ansanm yon baz memwa solid pou jenerasyon jodi a ak demen.”